ಭಾರತ, ಮೇ 16 -- ಇತ್ತೀಚೆಗೆ ಶಿಶುಗಳಲ್ಲಿ ವಕ್ರಪಾದ (ಕ್ಲಬ್‌ಫೂಟ್) ಸಮಸ್ಯೆ ಹೆಚ್ಚಾಗಿದೆ. ಈ ಸಮಸ್ಯೆಯಿಂದಾಗಿ ಮಕ್ಕಳು ಆಸ್ಪತ್ರೆಗೆ ದಾಖಲಾಗುವ ಪ್ರಕರಣಗಳಲ್ಲೂ ಏರಿಕೆ ಕಾಣಿಸುತ್ತಿದೆ. ಸಾಮಾನ್ಯವಾಗಿ 1000 ಮಕ್ಕಳ ಪೈಕಿ 5 ಮಂದಿಯಲ್ಲಿ ಈ ಸಮಸ್ಯೆ ಕಾಣಿಸುತ್ತದೆ. ತಕ್ಷಣ ಎಚ್ಚೆತ್ತುಕೊಂಡರೆ ಸರಳ, ಸುಲಭ ಮತ್ತು ಸೋವಿ ಅಂದರೆ ಅಗ್ಗದ ದರದಲ್ಲಿ ಈ ಸಮಸ್ಯೆಯನ್ನು ಬಗೆಹರಿಸಿಕೊಳ್ಳಬಹುದು. ಶಿಶುವಿನ ಪಾದಗಳನ್ನು ಸಹಜ ಸ್ಥಿತಿಗೆ ತಂದು, ಅದರ ಬೆಳವಣಿಗೆ ಎಲ್ಲರಂತೆ ಇರುವಂತೆ ನೋಡಿಕೊಳ್ಳಬಹುದು. ಮೊದಲು ವಕ್ರಪಾದ ಎಂದರೇನು ಎಂಬುದನ್ನು ತಿಳಿಯೋಣ.

ಶಿಶುವಿನ ಪಾದ ಒಳಮುಖವಾಗಿ ತಿರುಗಿರುವುದು, ಬೆರಳುಗಳು ತಿರುಚಿಕೊಂಡಿರುವುದು, ಪಾದದ ಕೆಳಭಾಗ ಪಕ್ಕಕ್ಕೆ ಇಲ್ಲವೇ ಮೇಲ್ಮುಖವಾಗಿರುವುದು - ಇದೆಲ್ಲವೂ ವಕ್ರ/ಚೊಟ್ಟು ಪಾದದ ಲಕ್ಷಣಗಳಾಗಿವೆ. ಶೇ 50 ಪ್ರಕರಣಗಳಲ್ಲಿ ಮಾತ್ರ ಎರಡೂ ಪಾದಗಳು ಅಲ್ಪ ವಿರೂಪವಿರುವುದು ಕಾಣುತ್ತೇವೆ.

ಹಾಗಂತ ಮೇಲೆ ಹೇಳಿದ ಎಲ್ಲಾ ಸಮಸ್ಯೆಗಳು ಒಟ್ಟಿಗೆ ಇರುತ್ತವೆ ಎಂದು ಹೇಳಲಾಗದು. ಇದರಲ್ಲಿ ಯಾವುದೋ ಒಂದು ಮುಖ್ಯ...