ಭಾರತ, ಮೇ 7 -- ಮೇ 24ರಂದು ಬೆಂಗಳೂರಿನ ಶ್ರೀಕಂಠೀರವ ಕ್ರೀಡಾಂಗಣದಲ್ಲಿ ಜರುಗಲಿರುವ 2 ಬಾರಿ ಒಲಿಂಪಿಕ್ ಪದಕ ವಿಜೇತ ನೀರಜ್ ಚೋಪ್ರಾ ಕ್ಲಾಸಿಕ್ ಜಾವೆಲಿನ್ ಸ್ಪರ್ಧೆಯ ಟಿಕೆಟ್​ ದರಗಳನ್ನು ಪ್ರಕಟಿಸಲಾಗಿದೆ. ಇದು ಮೊದಲ ಬಾರಿಗೆ ಭಾರತದಲ್ಲಿ ನಡೆಯುವ ಅಂತಾರಾಷ್ಟ್ರೀಯ ಜಾವೆಲಿನ್ ಕ್ರೀಡಾಕೂಟ. ವಿಶೇಷ ಏನೆಂದರೆ ಈ ಜಾಗತಿಕ ಸ್ಪರ್ಧೆಗೆ ನೀರಜ್ ಚೋಪ್ರಾ ಅವರ ಹೆಸರನ್ನೇ ಇಡಲಾಗಿದೆ. ಈ ಕೂಟಕ್ಕೆ ಟಿಕೆಟ್ ದರವು ಕನಿಷ್ಠ 199 ರಿಂದ ಹಿಡಿದು 10,000 ತನಕ ನಿಗದಿಯಾಗಿದೆ.

ಭಾರತೀಯ ಅಭಿಮಾನಿಗಳಿಗೆ ತಮ್ಮ ಒಲಿಂಪಿಕ್ ಗೋಲ್ಡ್ ಮೆಡಲಿಸ್ಟ್​ ಆಟವನ್ನು ನೇರವಾಗಿ ವೀಕ್ಷಿಸಲು ಒಂದು ವಿಶಿಷ್ಟ ಅವಕಾಶ ಸಿಗಲಿದೆ. ಈ ಕಾರ್ಯಕ್ರಮವನ್ನು ಮೂಲತಃ ಚೋಪ್ರಾ ಅವರ ತವರು ರಾಜ್ಯ ಹರಿಯಾಣದ ಪಂಚಕುಲದ ತೌ ದೇವಿ ಲಾಲ್ ಕ್ರೀಡಾಂಗಣದಲ್ಲಿ ನಿಗದಿಪಡಿಸಲಾಗಿತ್ತು. ಆದರೆ ಫ್ಲಡ್‌ಲೈಟ್ ಸಮಸ್ಯೆಯಿಂದಾಗಿ ಅದನ್ನು ಬೆಂಗಳೂರಿಗೆ ಸ್ಥಳಾಂತರ ಮಾಡಲಾಗಿದೆ. ಅಭಿಮಾನಿಗಳನ್ನ ಸೆಳೆಯುವ ಸಲುವಾಗಿ ಆಯೋಜಕರು ಎಸೆತಗಾರನ ರನ್‌ವೇ ಪಕ್ಕದಲ್ಲೇ ವಿಶೇಷ ಸ್ಟ್ಯಾಂಡ್ ನಿರ್ಮಿಸಿದ್ದಾ...