ಭಾರತ, ಮೇ 7 -- ಡೆವಾಲ್ಡ್ ಬ್ರೇವಿಸ್ (52) ಬೆಂಕಿ ಬಿರುಗಾಳಿ ಬ್ಯಾಟಿಂಗ್ ಬಲದಿಂದ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್​​​ ಎರಡು ವಿಕೆಟ್​​ಗಳ ಗೆಲುವು ದಾಖಲಿಸಿತು. ಇದು ಟೂರ್ನಿಯಲ್ಲಿ ಸಿಕ್ಕ 2ನೇ ಗೆಲುವು. ಮತ್ತೊಂದೆಡೆ ಈಗಾಗಲೇ ದುರ್ಬಲವಾಗಿದ್ದ ಹಾಲಿ ಚಾಂಪಿಯನ್ ಕೆಕೆಆರ್​ ಪ್ಲೇಆಫ್ ಆಸೆಗೆ ಮಾರಕ ಹೊಡೆತ ನೀಡಿದೆ. ಹಾಗಂತ ಪ್ಲೇಆಫ್​ ರೇಸ್​​ನಿಂದ ಹೊರಬಿದ್ದಿಲ್ಲವಾದರೂ ಬಹುತೇಕ ಅಂತ್ಯ ಎನ್ನಬಹುದು.

ಎಂಎಸ್ ಧೋನಿ ನೇತೃತ್ವದ ಯೆಲ್ಲೋ ಆರ್ಮಿ, ಪ್ರಸಕ್ತ ಆವೃತ್ತಿಯಲ್ಲಿ ಆಡಿರುವ 12 ಪಂದ್ಯಗಳಲ್ಲಿ 9 ಸೋಲು, 3 ಗೆಲುವಿನೊಂದಿಗೆ 6 ಅಂಕಗಳೊಂದಿಗೆ ಕೊನೆಯ ಸ್ಥಾನ ಪಡೆದಿದೆ. ಮತ್ತೊಂದೆಡೆ, ಕೆಕೆಆರ್​ ಇಷ್ಟೇ ಪಂದ್ಯಗಳನ್ನಾಡಿದ್ದು, 5 ಜಯ, 6 ಸೋಲು ಮತ್ತು 1 ಪಂದ್ಯ ರದ್ದಾಗುವುದರೊಂದಿಗೆ 11 ಅಂಕ ಗಳಿಸಿದೆ. ಪಾಯಿಂಟ್ಸ್ ಟೇಬಲ್​ನಲ್ಲಿ 6ನೇ ಸ್ಥಾನ ಪಡೆದಿದೆ.

ಈ ಪಂದ್ಯದ ಸೋಲಿನೊಂದಿಗೆ ಕೆಕೆಆರ್​ ಪ್ಲೇಆಫ್​ ಅವಕಾಶಗಳು ಕುಸಿದವು. ಆದರೆ ಇನ್ನೂ ಅವಕಾಶ ಇದೆ. ಉಳಿದ ಎರಡೂ ಪಂದ್ಯಗಳಲ್ಲಿ ಜಯದ ನಗೆ ಬೀರಿ...