Bengaluru, ಮೇ 9 -- ಮಾಲಿವುಡ್‌ ನಟ ಟೊವಿನೊ ಥಾಮಸ್ ಮಲಯಾಳಂನ ಅತ್ಯಂತ ಕಿರಿಯ ನಟರಲ್ಲಿ ಒಬ್ಬರು. 2012ರಲ್ಲಿ ಮಲಯಾಳಂ ಚಿತ್ರೋದ್ಯಮಕ್ಕೆ ಪದಾರ್ಪಣೆ ಮಾಡಿದ ಸ್ಟಾರ್ ಹೀರೋ, ಈಗಾಗಲೇ 50ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಆ ಐವತ್ತರಲ್ಲಿ ಥ್ರಿಲ್ಲರ್ ಚಿತ್ರಗಳೇ ಅಧಿಕ. ಆ ಸಿನಿಮಾಗಳೆಲ್ಲವೂ ಸದ್ಯ ನೆಟ್‌ಫ್ಲಿಕ್ಸ್‌, ಅಮೆಜಾನ್‌ ಪ್ರೈಂ, ಸೋನಿ ಲೀವ್‌ ಸೇರಿ ಹಲವು ಒಟಿಟಿಗಳಲ್ಲಿ ಸ್ಟ್ರೀಮಿಂಗ್‌ ಆಗುತ್ತವೆ. ಇಲ್ಲಿವೆ ಆ ಸಿನಿಮಾಗಳ ವಿವರ.

ಈ ವರ್ಷದ ʻಎಲ್2; ಎಂಪುರನ್ʼ, ಕಳೆದ ವರ್ಷದ ʻಮಂಜುಮ್ಮೆಲ್ ಬಾಯ್ಸ್ʼ ಸಿನಿಮಾಗಿಂತಲೂ ಮೊದಲು ಅತಿ ಹೆಚ್ಚು ಗಳಿಕೆ ಕಂಡ ಮಲಯಾಳಂ ಸಿನಿಮಾ 2018. ಟೊವಿನೊ ಥಾಮಸ್ ಮುಖ್ಯ ಪಾತ್ರದಲ್ಲಿ ನಟಿಸಿರುವ ಈ ಸಿನಿಮಾ ಕೇರಳದಲ್ಲಿ ಸಂಭವಿಸಿದ ಪ್ರವಾಹದ ಹಿನ್ನೆಲೆಯಲ್ಲಿ ಮೂಡಿಬಂದ ಥ್ರಿಲ್ಲರ್ ಕಥಾನಕ. ಈ ಚಿತ್ರವು ಸೋನಿ ಲಿವ್ ಒಟಿಟಿಯಲ್ಲಿ ವೀಕ್ಷಣೆಗೆ ಲಭ್ಯವಿದೆ.

ನಾರದನ್ 2022ರ ಥ್ರಿಲ್ಲರ್ ಚಿತ್ರವಾಗಿದ್ದು, ಟೊವಿನೊ ಥಾಮಸ್ ಚಂದ್ರಪ್ರಕಾಶ್ ಎಂಬ ಪತ್ರಕರ್ತನ ಪಾತ್ರದಲ್ಲಿ ನಟಿಸಿದ್ದಾರೆ. ಈ...