Bengaluru, ಮೇ 2 -- ಕಿರುತೆರೆಯಲ್ಲಿ ಹೊಸ ಸೀರಿಯಲ್‌ಗಳ ಆಗಮನ ಆಗುತ್ತಿದ್ದಂತೆ, ಹಳೇ ಸೀರಿಯಲ್‌ಗಳು ಸೈಡ್‌ಗೆ ಸರಿಯುವುದು ಸಹಜ ಪ್ರಕ್ರಿಯೆ. ಆದರೆ, ಕೆಲವು ಹಳೇ ಧಾರಾವಾಹಿಗಳು, ಜಪ್ಪಯ್ಯ ಅಂದರೂ ಟಾಪ್‌ನಲ್ಲಿಯೇ ಹೆಚ್ಚು ಕಾಣಿಸಿಕೊಳ್ಳುತ್ತವೆ. ಕೆಲವೊಮ್ಮೆ ಪ್ರಯೋಗ ಮಾಡಲು ಹೋಗಿ ಟಾಪ್‌ ಸೀರಿಯಲ್‌ಗಳು ಪ್ಲಾಪ್‌ ಆದ ಉದಾಹರಣೆಗಳೂ ಇವೆ. ಆ ಪೈಕಿ ಮೊದಲಿಗೆ ಕಣ್ಣಿಗೆ ಕಾಣಿಸುವುದು ಜೀ ಕನ್ನಡದ ಪುಟ್ಟಕ್ಕನ ಮಕ್ಕಳು. ಒಂದು ಕಾಲದಲ್ಲಿ ತಿಂಗಳುಗಟ್ಟಲೆ ಟಾಪ್‌ ಸ್ಥಾನದಲ್ಲಿಯೇ ಇದ್ದ ಈ ಧಾರಾವಾಹಿ ಇದೀಗ, ಟಿಆರ್‌ಪಿಯಲ್ಲಿ 5.0 ನಂಬರ್‌ ದಾಟಿ ಮುಂದಡಿ ಇಡುತ್ತಿಲ್ಲ. ಇದಕ್ಕೆ ಕಾರಣ ಈ ಧಾರಾವಾಹಿ ಸಮಯ ಬದಲಾವಣೆ!

ಇದೊಂದೇ ಸೀರಿಯಲ್‌ ಅಲ್ಲ, ಕಲರ್ಸ್‌ ಕನ್ನಡದಲ್ಲಿ ರಾಮಾಚಾರಿ ಸೀರಿಯಲ್‌ ಮೊದಲೆಲ್ಲ ಒಳ್ಳೆಯ ಟಿಆರ್‌ಪಿ ಪಡೆದು ಟಾಪ್‌ ಮೂರರಲ್ಲಿ ಕಾಣಿಸಿದ್ದುಂಟು. ಆದರೆ, ಸದ್ಯದ ಸ್ಥಿತಿ ನೋಡಿದರೆ, ರಾಮಾಚಾರಿ ಸೀರಿಯಲ್‌ ಟಿಆರ್‌ಪಿಯಲ್ಲಿ ಕನಿಷ್ಠ ಹಂತ ತಲುಪಿದೆ. ಈ ಮೊದಲು ರಾಮಾಚಾರಿ ಸೀರಿಯಲ್‌ ರಾತ್ರಿ 9ಕ್ಕೆ ಪ್ರಸಾರವಾಗುತ್ತಿತ್ತು. ...