Bengaluru, ಮೇ 1 -- ಗರ್ಭಾವಸ್ಥೆಯಲ್ಲಿ ಇರುವಾಗ ಕೆಲವೊಂದು ಸುರಕ್ಷಿತ ವ್ಯಾಯಾಮಗಳನ್ನು ಮಾಡುವುದು ತಾಯಿ ಮತ್ತು ಮಗು ಇಬ್ಬರ ಆರೋಗ್ಯಕ್ಕೂ ಒಳ್ಳೆಯದು. ಗರ್ಭಾವಸ್ಥೆಯಲ್ಲಿ ಸೂಕ್ತ ರೀತಿಯಲ್ಲಿ ಸುರಕ್ಷಿತ ವ್ಯಾಯಾಮಗಳನ್ನು ಮಾಡುವುದು ಒಳ್ಳೆಯದಷ್ಟೇ ಅಲ್ಲ, ಕೆಲವು ಗರ್ಭಿಣಿಯರಿಗೆ ವೈದ್ಯರೇ ಕೆಲವು ವ್ಯಾಯಾಮಗಳನ್ನು ಸೂಚಿಸುವುದೂ ಇದೆ. ಈ ವ್ಯಾಯಾಮಗಳು ಹೃದಯದ ಆರೋಗ್ಯವನ್ನು ಉತ್ತಮಗೊಳಿಸುತ್ತವೆ. ಆರೋಗ್ಯಕರ ತೂಕ ಕಾಪಾಡಿಕೊಳ್ಳಲು ನೆರವಾಗುತ್ತವೆ. ವಿಶೇಷವಾಗಿ ಬೆನ್ನುನೋವು, ಆಯಾಸ, ಮಲಬದ್ಧತೆಯಂತಹ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ. ಅಷ್ಟೇ ಅಲ್ಲ, ವ್ಯಾಯಾಮ ಮಾಡುವುದರಿಂದ ಒಳ್ಳೆಯ ನಿದ್ರೆ ಪ್ರಾಪ್ತಿಯಾಗುತ್ತದೆ. ಒಳ್ಳೆಯ ನಿದ್ರೆಯಿಂದ ಮಾನಸಿಕ ಆರೋಗ್ಯ ವೃದ್ಧಿಯಾಗುತ್ತದೆ. ಈ ಬಗ್ಗೆ ಬೆಂಗಳೂರಿನ ಸರ್ಜಾಪುರದ ಮದರ್‌ಹುಡ್ ಹಾಸ್ಪಿಟಲ್ಸ್‌ನ ಸ್ತ್ರೀರೋಗ ಮತ್ತು ಪ್ರಸೂತಿ ತಜ್ಞೆ ಡಾ ಸಂಗೀತಾ ಗೋಮ್ಸ್ ವಿವರಿಸಿದ್ದಾರೆ.

ಈ ಹಂತದಲ್ಲಿ ದೇಹಕ್ಕೆ ಜಾಸ್ತಿ ಒತ್ತಡ ಬೀಳದ, ಸುರಕ್ಷಿತವಾದ, ಕಡಿಮೆ ತೀವ್ರತೆಯ ವ್ಯಾಯಾಮಗಳನ್ನು ಮಾತ್ರ ಮ...