Bengaluru, ಮಾರ್ಚ್ 21 -- SSLC Exam 2025: ಪ್ರಸಕ್ತ ಸಾಲಿನ ಎಸ್‌ ‍ಎಸ್‌ ‍ಎಲ್‌ ಸಿ ವಾರ್ಷಿಕ ಪರೀಕ್ಷೆ ಇಂದಿನಿಂದ ಆರಂಭವಾಗಿದೆ. ಇಂದು ಮಾತೃಭಾಷೆ ಕನ್ನಡ, ಸಂಸ್ಕೃತ, ಇಂಗ್ಲೀಷ್‌, ಹಿಂದಿ ಪರೀಕ್ಷೆ ನಡೆದಿದೆ. ಕಾಲೇಜು ಮೆಟ್ಟಲು ಹತ್ತುವ ಖುಷಿಯಲ್ಲಿ ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದಾರೆ. ಇನ್ನು ಇಂದು ನಡೆದ ಈ ವಿಷಯಗಳ ಪ್ರಶ್ನೆ ಪತ್ರಿಕೆ ನೋಡುವುದಾದರೆ ಕಳೆದ ವರ್ಷಕ್ಕಿಂತ ಈ ವರ್ಷ ಸ್ವಲ್ಪ ಕಷ್ಟ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಹಾಗೆಂದು ಸಂಪೂರ್ಣ ಕಷ್ಟ ಅಲ್ಲ, ಕಳೆದ ವರ್ಷ ಪ್ರಶ್ನೆ ಪತ್ರಿಕೆಗಳು ಸುಲಭವಾಗಿದ್ದರೂ ಪರೀಕ್ಷೆಯನ್ನು ತುಂಬಾ ಕಟ್ಟುನಿಟ್ಟಾಗಿ ನಡೆಸಿದ್ದರಿಂದ ಮತ್ತು ವೆಬ್‌ ಕಾಸ್ಟಿಂಗ್‌ ಇದ್ದ ಕಾರಣ ಗ್ರೇಸ್‌ ಮಾರ್ಕ್ಸ್‌ ನೀಡಲಾಗಿತ್ತು. ವರ್ಷ ಹಿಂದಿನ ನಿಯಮದಂತೆ ಉತ್ತೀರ್ಣರಾಗಲು ಶೇ. 35 ಅಂಕಗಳನ್ನು ಕಡ್ಡಾಯ ಮಾಡಲಾಗಿದೆ.

ಇಂದು ನಡೆದ ಕನ್ನಡ ಪ್ರಶ್ನೆ ಪತ್ರಿಕೆ ಹೇಗಿತ್ತು ಎಂದು ನೋಡೋಣ. 6-8 ಅಂಕಗಳಷ್ಟು ಪ್ರಶ್ನೆಗಳು ಕಷ್ಟದಾಯಕವಾಗಿತ್ತು ಎಂದು ವಿದ್ಯಾರ್ಥಿಗಳು ಹೇಳುತ್ತಾರೆ. ಮುಖ್ಯವಾಗಿ ಕಂಠಪ...