భారతదేశం, నవంబర్ 30 -- కేంద్ర ఎన్నికల సంఘం చేపడుతున్న SIRను స్వాగతిస్తున్నట్టుగా టీడీపీ ఎంపీ లావు శ్రీ కృష్ణ దేవరాయలు చెప్పారు. వివిధ రాష్ట్రాల్లో ఎన్నికల సంఘం చేపట్టిన SIR ను పార్టీ స్వాగతిస్తున్నట్లు, ఏపీలోనూ చేపట్టాలన్నారు. పార్లమెంటు సమావేశాలకు ముందు ఢిల్లీలో రక్షణ మంత్రి రాజ్‌నాథ్ సింగ్ అధ్యక్షతన జరిగిన అఖిలపక్ష సమావేశం తర్వాత ఆయన మీడియాతో మాట్లాడుతూ ఈ విషయాన్ని తెలిపారు.

పార్లమెంటు సజావుగా సాగేందుకు బీజేపీ నేతృత్వంలోని ఎన్‌డీఏ ప్రభుత్వం అన్ని పార్టీల సహకారాన్ని కోరిందని శ్రీ కృష్ణ దేవరాయలు అన్నారు. సోమవారం ప్రారంభమయ్యే శీతాకాల సమావేశాల్లో SIR గురించిన ఆందోళనలపై చర్చ జరగాలని ప్రతిపక్ష పార్టీలు డిమాండ్ చేశాయన్నారు. ఎన్డీఏ మిత్రపక్షమైన టీడీపీ ఈ సమావేశంలో వివిధ అంశాలను లేవనెత్తిందని చెప్పారు. ఆంధ్రప్రదేశ్, తెలంగాణ మధ్య కృష్ణా నదీ జలాల ...