భారతదేశం, మార్చి 25 -- 'సార్ నాకు క్రికెట్ అంటే చాలా ఇష్టం. పెద్ద క్రికెటర్ కావాలని కలగన్నా.. నాకో క్రికెట్ కిట్ ఇప్పించండి సార్' క్యాన్సర్‌తో పోరాడుతున్న ఓ యువకుడి మాటలివి. ఈ మాటలు వింటే మనసున్న ప్రతీ మనిషికీ గుండె తల్లడిల్లక మానదు. ఈ మాటలు విని మంత్రి శ్రీధర్ బాబు ఏకంగా కన్నీళ్లు పెట్టుకున్నారు. భూపాలపల్లి జిల్లా పాలిమల మండలం సర్వాయ్ పేట గ్రామానికి చెందిన భౌత్ నితిన్.. కాన్సర్‌తో బాధపడుతున్నారు.

హైదరాబాద్ ఖాజాగూడలోని ఓ ఆసుపత్రిలో నితిన్ చికిత్స పొందుతున్నారు. ఈ విషయం తెలుసుకున్న మంత్రి శ్రీధర్ బాబు.. స్వయంగా ఆసుపత్రికెళ్లి పరామర్శించారు. తానున్నానని భరోసా ఇచ్చారు. ఈ సందర్భంగా నితిన్ మాటలకు కన్నీళ్లు పెట్టుకున్న శ్రీధర్ బాబు.. అప్పటికప్పుడు క్రికెట్ కిట్ తెప్పించి అతని కోరికను నెరవేర్చారు. సొంతన్నగా ఉండగా నిలుస్తానని.. ఏ అవసరమున్నా నేరు...