భారతదేశం, నవంబర్ 30 -- రాబోయే రెండు నెలల్లో భారత్, దక్షిణాఫ్రికా, శ్రీలంక, న్యూజిలాండ్ జట్లు పాల్గొనే నాలుగు అంతర్జాతీయ మ్యాచ్‌లకు విశాఖపట్నం రెడీగా ఉంది. ఈ మ్యాచ్‌లన్నీ డాక్టర్ వైఎస్ రాజశేఖర్ రెడ్డి ACA-VDCA క్రికెట్ స్టేడియంలో జరగనున్నాయి. డిసెంబర్ 6న భారతదేశం, దక్షిణాఫ్రికా మధ్య జరగనున్న మూడో ఇంటర్నేషనల్ వన్డే మ్యాచ్ మొదటిది. రెండు జట్లు డిసెంబర్ 4న వైజాగ్‌కు చేరుకుంటాయి. డిసెంబర్ 5న ప్రాక్టీస్ సెషన్‌లు జరగుతాయి.

ఆ తర్వాత వైజాగ్ క్రికెట్ స్టేడియంలో డిసెంబర్ 21, డిసెంబర్ 23 తేదీలలో భారత్, శ్రీలంక మధ్య రెండు మహిళల టీ20 అంతర్జాతీయ మ్యాచ్‌లు నిర్వహిస్తారు. అనంతరం జనవరి 28, 2026న సాయంత్రం 7 గంటలకు ఇండియా వర్సెస్ న్యూజిలాండ్ ఇంటర్నేషనల్ నాల్గో టీ20 మ్యాచ్‌ ఉంటుంది. ఇలా రెండు నెలల్లో వైజాగ్ క్రికెట్ స్టేడియంలో నాలుగు ఇంటర్నేషనల్ మ్యాచ్‌లు జర...