భారతదేశం, నవంబర్ 29 -- హైదరాబాద్‌లో 'అఖండ 2' ప్రీ-రిలీజ్ ఈవెంట్‌లో నందమూరి బాలకృష్ణ తన అభిమానులకు ఒక విజ్ఞప్తి చేశారు. అఖండ 2 రిలీజ్ సందర్భంగా జంతుబలి ఇవ్వొద్దని కోరారు. మేకలను చంపొద్దన్నారు. బాలకృష్ణ గత మూవీ రిలీజ్ సందర్భంగా ఇలా జంతుబలి ఇచ్చినందుకు ఫ్యాన్స్ పై కేసు కూడా నమోదైంది.

నందమూరి బాలకృష్ణ అప్ కమింగ్ మూవీ అఖండ 2. బ్లాక్ బస్టర్ మూవీ అఖండకు సీక్వెల్ గా బోయపాటి శ్రీనివాస్ డైరెక్షన్ లో అఖండ 2 తెరకెక్కింది. ఇది డిసెంబర్ 5న రిలీజ్ కానుంది. ఈ సందర్భంగా హైదరాబాద్ లో నిర్వహించిన ప్రీ రిలీజ్ ఈవెంట్ లో తన ఫ్యాన్స్ ను ఉద్దేశించి బాలకృష్ణ ఓ రిక్వెస్ట్ చేశారు.

"మీకు ఒకటి చెప్పాలి. ప్రతి ప్రాంతానికి దాని సంప్రదాయం ఉంటుంది. మీలో కొందరు సినిమా విడుదల సమయంలో మేకలను బలి ఇస్తుంటారు. దయచేసి అలా చేయవద్దు" అని బాలయ్య అన్నారు. "మరో జీవికి హాని చేయడం సబ...