ಭಾರತ, ಫೆಬ್ರವರಿ 7 -- ಗುಲಾಬಿ ಕೊಟ್ಟೊಡನೆ ನಕ್ಕು ಮುಡಿಗೇರಿಸದಿರು ಹುಡುಗಿ, ಈ ತಿಂಗಳು ಪ್ರೇಮಿಗಳ‌ ತಿಂಗಳು. ಕಿಸ್‌ಡೇ, ಹಗ್ ಡೇ ರೋಸ್‌ ಡೇ ಅದೂ ಇದೂ. ರೋಸ್‌ಗಳ ಭರಾಟೆ ಜಾಸ್ತಿ. ಅದರ ಖುಷಿಯಲ್ಲಿ ನಲಿದಾಡುವ ಮೊದಲು ಈ ಕಥೆ ಓದಿ ಬಿಡಿ.

ಈ ಕಥೆ ಒಂದು ಹತ್ತು ವರ್ಷದ ಹಿಂದಿನದು ಎಂದುಕೊಳ್ಳಿ. ಆ ಹುಡುಗಿ ಆಗಷ್ಟೇ ಪಿಯುಸಿ‌‌ ಮೆಟ್ಟಿಲು ಹತ್ತಿದ್ದಳು. ಹದಿನಾರರ ಹರೆಯ. ಮುಗ್ಧತೆ ತುಂಬಿದ ಮುದ್ದು ಮುಖ, ಕನಸು ಕಂಗಳ ಹುಡುಗಿ, ದೇವರೆಂದರೆ ಅತೀವ ಭಕ್ತಿ. ತಾಯಿ-ತಂದೆ ಇಬ್ಬರೂ ತಮ್ಮ ಮಗಳ ಓದಿಗೆ, ಭವಿಷ್ಯಕ್ಕೆ ಹಣ-ಆಸ್ತಿ ಪಾಸ್ತಿ ಮಾಡಿರುವುದರಲ್ಲಿ ಬಹಳ ಬ್ಯುಸಿ ಆಗಿದ್ದರಿಂದ ಮಗಳ ಪ್ರಸ್ತುತ ಬದುಕಿನ ಬಗ್ಗೆ ಗಮನ, ಕಾಳಜಿ ಹರಿಸಲೂ ಪುರುಸೊತ್ತಿರಲಿಲ್ಲ.

ಆ ಹುಡುಗಿ ಕಾಲೇಜಿಗೆ ಬಂದ ಕೊಂಚ‌ ದಿನಗಳಲ್ಲಿಯೇ ಇವಳ ಬಗ್ಗೆ ಕಾಳಜಿ ತೋರಿಸುವ ಹುಡುಗನೊಬ್ಬನ ಪರಿಚಯವಾಯಿತು. ಆ ಹುಡುಗ 22 ವರ್ಷದವ, ಇವಳ‌ ಕಾಲೇಜಿನವನಲ್ಲ. ಪಿಯುಸಿಯಲ್ಲಿ ಮೂರ್ನಾಕು ಸಲ ಡುಮ್ಕಿ ಹೊಡೆದು ಅಪ್ಪ ಅಮ್ಮನ ಕಾಡಿ ಬೇಡಿ‌ ಮಾಡಿಕೊಂಡ ಶೋಕಿಯಲ್ಲಿ‌ ಓಡಾಡುತ್ತಿದ್ದವ. ಚ...