ಭಾರತ, ಏಪ್ರಿಲ್ 4 -- School Admission 2025-26: ಒಂದನೇ ತರಗತಿ ಪ್ರವೇಶ ಪಡೆಯುವ ಮಗುವಿಗೆ 6 ವರ್ಷ ಪೂರ್ಣಗೊಂಡಿರಬೇಕು ಎಂಬ ನಿಯಮ ಕಡ್ಡಾಯಗೊಳಿಸಿ ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯು 2022ರ ಜುಲೈನಲ್ಲಿ ಆದೇಶ ಹೊರಡಿಸಿತ್ತು. 2023-24 ಮತ್ತು 2024-25 ರ ಎರಡು ಶೈಕ್ಷಣಿಕ ವರ್ಷಗಳಲ್ಲಿ ನಿಯಮವನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಿರಲಿಲ್ಲ. ಹಾಗಾಗಿ ಪೋಷಕರು ಮತ್ತು ಮಕ್ಕಳಿಗೆ ರಿಯಾಯಿತಿ ಸಿಕ್ಕಿತ್ತು. ಆದರೆ ಈ ವರ್ಷದಿಂದ 1 ನೇ ತರಗತಿಗೆ ಪ್ರವೇಶ ಪಡೆಯುವ ಮಕ್ಕಳ ವಯಸ್ಸು 2025-26ನೇ ಜೂನ್‌ 1ಕ್ಕೆ 6 ವರ್ಷ ಪೂರ್ಣಗೊಂಡಿರಲೇಬೇಕು ಎಂದು ಶಿಕ್ಷಣ ಇಲಾಖೆ ಸ್ಪಷ್ಟಪಡಿಸಿದೆ.

ಇದರಿಂದ ರಾಜ್ಯದಲ್ಲಿ ಯುಕೆಜಿ ಪೂರ್ಣಗೊಳಿಸಿದ ಸುಮಾರು 5 ರಿಂದ 6 ಲಕ್ಷ ಮಕ್ಕಳು 1ನೇ ತರಗತಿಗೆ ಪ್ರವೇಶ ಪಡೆಯಲು ಸಾದ್ಯವಾಗುತ್ತಿಲ್ಲ. ಜೂನ್ 1, 2025 ಕ್ಕೆ 6 ವರ್ಷ ತುಂಬಿಲ್ಲ ಎಂದು 1 ನೇ ತರಗತಿಗೆ ಪ್ರವೇಶ ನೀಡಲು ಶಾಲೆಗಳು ನಿರಾಕರಿಸುತ್ತಿವೆ. ಶುಲ್ಕ ಪಾವತಿಸಿ ಯುಕೆಜಿಯನ್ನೇ ಮತ್ತೊಮ್ಮೆ ಓದಿಸಿ ಇಲ್ಲವೇ ಟಿಸಿ ತೆಗೆದುಕೊಳ್ಳಿ ಎಂದು ಹೇಳುತ...