ಭಾರತ, ಮೇ 26 -- ಜೈಪುರದ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ಸೋಮವಾರ (ಮೇ 26) ನಡೆದ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದ ಮುಂಬೈ ಇಂಡಿಯನ್ಸ್ ಬ್ಯಾಟರ್​ ಸೂರ್ಯಕುಮಾರ್ ಯಾದವ್ ಐತಿಹಾಸಿಕ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ.

ತಮ್ಮ ಅದ್ಭುತ ಓಟವನ್ನು ಮುಂದುವರೆಸಿದ ಸೂರ್ಯ, 39 ಬಾಲ್​​​ಗಳಲ್ಲಿ 156.15 ಸ್ಟ್ರೈಕ್ ರೇಟ್​ನಲ್ಲಿ 6 ಬೌಂಡರಿ, 2 ಸಿಕ್ಸರ್‌ಗಳೊಂದಿಗೆ 57 ರನ್ ಗಳಿಸುವ ಮೂಲಕ ಋತುವಿನ 5ನೇ ಅರ್ಧಶತಕ ಬಾರಿಸಿದರು.

ಪ್ರಸಕ್ತ ಐಪಿಎಲ್​ನಲ್ಲಿ ಸೂರ್ಯ ಆಡಿದ ಲೀಗ್​ ಹಂತದ ಎಲ್ಲಾ (14) ಪಂದ್ಯಗಳಲ್ಲೂ 25 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸುವ ಮೂಲಕ ವಿಶೇಷ ದಾಖಲೆ ನಿರ್ಮಿಸಿದ್ದಾರೆ. ಐಪಿಎಲ್​ನಲ್ಲಿ ಈ ಸಾಧನೆ ಮೊಟ್ಟ ಮೊದಲ ಆಟಗಾರ.

ಅಲ್ಲದೆ, ವಿಶ್ವದಾಖಲೆಯನ್ನೂ ತನ್ನ ಹೆಸರಿಗೆ ಸೂರ್ಯ ಬರೆದುಕೊಂಡಿದ್ದಾರೆ. ಸತತವಾಗಿ 14 ಟಿ20 ಇನ್ನಿಂಗ್ಸ್​​ಗಳಲ್ಲಿ 25 ಪ್ಲಸ್ ರನ್ ಗಳಿಸಿದ ಆಟಗಾರ ಎಂಬ ವಿಶ್ವದ ಮೊದಲ ಆಟಗಾರನೂ ಅವರೇ ಆಗಿದ್ದಾರೆ. ಆ ಮೂಲಕ ಟೆಂಬಾ ಬವುಮಾ ವಿಶ್ವದಾಖಲೆ ಮುರಿದಿದ್ದಾರೆ...