ಭಾರತ, ಮೇ 21 -- ಕನ್ನಡದ ಹಿರಿಯ ಲೇಖಕಿ, ಹೋರಾಟಗಾರ್ತಿ ಬಾನು ಮುಷ್ತಾಕ್‌ ಅವರ ಅನುವಾದಿತ ಕೃತಿ ಹಾರ್ಟ್‌ ಲ್ಯಾಂಪ್‌ಗೆ ಬೂಕರ್‌ ಪ್ರಶಸ್ತಿ ಗಳಿಸಿರುವುದಕ್ಕೆ ಕರುನಾಡು ಸಂಭ್ರಮ ಪಡುತ್ತಿದೆ. ಬಾನು ಮುಷ್ತಾಕ್‌ ಅವರು ಮೂರೂವರೆ ದಶಕಗಳ ಕಾಲ ಬರೆದಿರುವ ಸಣ್ಣ ಕಥೆಗಳನ್ನು ಆಧರಿಸಿ ಲೇಖಕಿ ದೀಪಾ ಬಸ್ತಿ ಅವರು ಇಂಗ್ಲೀಷ್‌ಗೆ ಹಾರ್ಟ್‌ ಲ್ಯಾಂಪ್‌ ಎನ್ನುವ ಹೆಸರಿನಲ್ಲಿ ಅನುವಾದಿಸಿದ್ದಾರೆ. ಸುಮಾರು ಆರೂವರೆ ಕೋಟಿ ಜನರು ಮಾತನಾಡುವ ಕನ್ನಡ ಭಾಷೆಯಿಂದ ಅನುವಾದಿಸಲಾದ 'ಹಾರ್ಟ್ ಲ್ಯಾಂಪ್' ಕೃತಿಯು ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಮೊದಲ ಪುಸ್ತಕವಾಗಿದೆ. ದೀಪಾ ಭಸ್ತಿ ಅಂತರ್‍ ರಾಷ್ಟ್ರೀಯ ಬೂಕರ್ ಪ್ರಶಸ್ತಿಯನ್ನು ಗೆದ್ದ ಮೊದಲ ಭಾರತೀಯ ಅನುವಾದಕಿಯಾಗಿದ್ದಾರೆ. ಇದೇ ಸಮಯದಲ್ಲಿ ಡಾ. ವಿಷ್ಣುವರ್ಧನ್‌ ನಟನೆಯ ಈ ಬಂಧನ ಎಂಬ ಸಿನಿಮಾದಲ್ಲಿ ಇಂತಹ ಸನ್ನಿವೇಶವಿದ್ದ ನೆನಪನ್ನು ವೀರಕಪುತ್ರ ಶ್ರೀನಿವಾಸ್‌ ನೆನಪಿಸಿಕೊಂಡಿದ್ದಾರೆ.

"ಈ ಬಂಧನ ಸಿನಿಮಾದ ಕ್ಲ್ಯೆಮ್ಯಾಕ್ಸಿನಲ್ಲಿ ಕನ್ನಡ ಕೃತಿಗೆ ಬೂಕರ್ ಪ್ರಶಸ್ತಿ ಬಂದಿದ್ದಕ್ಕಾಗಿ ಅಭಿನಂದನಾ ಸಮ...