ಭಾರತ, ಏಪ್ರಿಲ್ 3 -- ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಗುಂಪು ಹಂತದ 14ನೇ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ವಿರುದ್ಧ ಗಾಯಗೊಂಡಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಅವರ ಫಿಟ್​ನೆಸ್ ಬಗ್ಗೆ ಹೊಸ ಅಪ್​ಡೇಟ್ ಸಿಕ್ಕಿದೆ. ಗಾಯದ ಕುರಿತು ಆರ್​ಸಿಬಿ ಹೆಡ್​ಕೋಚ್ ಆ್ಯಂಡಿ ಫ್ಲವರ್​ ಮಾಹಿತಿ ನೀಡಿದ್ದಾರೆ. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರಿಕೆಟ್ ಮೈದಾನದಲ್ಲಿ ಜರುಗಿದ ಪಂದ್ಯದಲ್ಲಿ ಫೀಲ್ಡಿಂಗ್ ನಡೆಸುತ್ತಿದ್ದ ವೇಳೆ ಗಾಯಗೊಂಡಿದ್ದರು.

170 ರನ್​ಗಳ ಚೇಸಿಂಗ್ ಅವಧಿಯ 12ನೇ ಓವರ್​ನಲ್ಲಿ ಸಾಯಿ ಸುದರ್ಶನ್ ಕೃನಾಲ್ ಪಾಂಡ್ಯ ಎಸೆತದಲ್ಲಿ ಡೀಪ್ ಮಿಡ್​ ವಿಕೆಟ್​ನತ್ತ ಸ್ವೀಪ್ ಶಾಟ್ ಮಾಡಿದರು. ಬೌಂಡರಿ ಗೆರೆಯಲ್ಲಿ ಚೆಂಡು ತಡೆಯಲು ಯತ್ನಿಸಿದ ಅವಧಿಯಲ್ಲಿ ಕೊಹ್ಲಿ ಬಲಗೈ ಬೆರಳಿಗೆ ತಗುಲಿತು. ಬೆರಳಿಗೆ ತೀವ್ರ ಪೆಟ್ಟಾದ ಬೆನ್ನಲ್ಲೇ ನೋವು ತಾಳಲಾರದೆ ಮೈದಾನದಲ್ಲೇ ಕೂತುಬಿಟ್ಟರು. ತಕ್ಷಣವೇ ವೈದ್ಯಕೀಯ ಸಿಬ್ಬಂದಿ ಧಾವಿಸಿ ಕೊಹ್ಲಿ ಗಾಯಗೊಂಡ ಬೆರಳಿಗೆ ಚಿಕಿತ್ಸೆ ಒದಗಿಸಿದರು. ಆದರೆ ಅಭಿಮಾನಿಗಳಿಗೆ ಹ...