ಭಾರತ, ಏಪ್ರಿಲ್ 28 -- ಬಾಲಿವುಡ್ ಹಿಟ್ ಡೈರೆಕ್ಟರ್ ರೋಹಿತ್ ಶೆಟ್ಟಿ ಸಿನಿಮಾಗಳಿಗೆ ವಿಶೇಷ ಫ್ಯಾನ್ ಬೇಸ್‌ ಇದೆ. ಪೊಲೀಸ್ ಪಾತ್ರಗಳನ್ನು ತಮ್ಮದೇ ಸ್ಟೈಲ್‌ನಲ್ಲಿ ತೆರೆ ಮೇಲೆ ತರುವ ರೋಹಿತ್ ಶೆಟ್ಟಿ ಮುಂದಿನ ದಿನಗಳಲ್ಲಿ ಇನ್ನಷ್ಟು ಈ ರೀತಿ ಸಿನಿಮಾಗಳನ್ನೇ ಮಾಡುವ ಭರವಸೆ ನೀಡಿದ್ದಾರೆ. ಇದರಿಂದ ಅಭಿಮಾನಿಗಳು ಸಾಕಷ್ಟು ಖುಷಿಯಾಗಿದ್ದಾರೆ. ಸಿಂಗಂ, ಸಿಂಬಾ, ಸೂರ್ಯವಂಶಿ ಮುಂತಾದ ಹಿಟ್ ಚಿತ್ರಗಳನ್ನು ನೀಡಿರುವ ರೋಹಿತ್ ಶೆಟ್ಟಿ ಈ ಸಿನಿಮಾಗಳ ಸೀಕ್ವೆಲ್‌ಗಳ ಬಗ್ಗೆ ಮಾತನಾಡಿದ್ದಾರೆ.

ರಣವೀರ್ ಸಿಂಗ್ ಅಭಿನಯದ ಸಿಂಬಾ ಸೀಕ್ವೆಲ್ ಬರಲಿದೆ ಎಂದು ರೋಹಿತ್ ದೃಢಪಡಿಸಿದ್ದಾರೆ. ಅಕ್ಷಯ್ ಕುಮಾರ್ ನಟನೆಯ ಸೂರ್ಯವಂಶಿ ಭಾಗ 2 ಕೂಡ ಶೀಘ್ರದಲ್ಲೇ ಬರಲಿದೆ ಎಂದು ರೋಹಿತ್ ಹೇಳಿದ್ದಾರೆ. ಕೋಮಲ್ ನಹ್ತಾ ಅವರ ಪಾಡ್‌ಕ್ಯಾಸ್ಟ್ ಗೇಮ್‌ಚೇಂಜರ್ಸ್‌ನಲ್ಲಿ ಈ ವಿಚಾರ ಖಚಿತ ಪಡಿಸಿದ್ದಾರೆ ರೋಹಿತ್‌.

ಪೊಲೀಸ್ ಪಾತ್ರಗಳನ್ನೇ ತೆರೆ ಮೇಲೆ ತರಬೇಕು ಎನ್ನುವ ಯಾವ ಉದ್ದೇಶವೂ ತನಗೆ ಇರಲಿಲ್ಲ ಎಂದು ರೋಹಿತ್ ಶೆಟ್ಟಿ ಈ ಸಂದರ್ಶನದಲ್ಲಿ ಹೇಳಿದ್ದಾರೆ. ಆದರೆ 20...