ಭಾರತ, ಮೇ 16 -- 2017ರಲ್ಲಿ ಬಿಡುಗಡೆಯಾದ ಮಲಯಾಳಂ ಸರ್ವೈವಲ್ ಥ್ರಿಲ್ಲರ್ ಚಿತ್ರ 'ಟೇಕ್ ಆಫ್'. 2014ರಲ್ಲಿ ನಡೆದ ನೈಜ ಘಟನೆ ಆಧರಿತ ಈ ಸಿನಿಮಾ, ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಿ ಹಿಟ್‌ ಆಗಿತ್ತು. ಇದೀಗ ಇದೇ ಸಿನಿಮಾವನ್ನು ಉಚಿತವಾಗಿ ವೀಕ್ಷಣೆ ಮಾಡಬಹುದು.

2014ರಲ್ಲಿ ಇರಾಕ್‌ನ ಟಿಕ್ರಿತ್‌ನಲ್ಲಿ ನಡೆದ ಅಂತರ್ಯುದ್ಧದಲ್ಲಿ ಸಿಲುಕಿದ್ದ 19 ಮಲಯಾಳಿ ನರ್ಸ್‌ಗಳನ್ನು ಯಶಸ್ವಿಯಾಗಿ ರಕ್ಷಿಸಿ ಸ್ವದೇಶಕ್ಕೆ ಕರೆತಂದ ಕಾರ್ಯಾಚರಣೆ ಆಧರಿಸಿದ ಚಿತ್ರ ಈ ಟೇಕ್‌ ಆಫ್‌. ಫಹಾದ್ ಫಾಜಿಲ್, ಪಾರ್ವತಿ ತಿರುವೋತ್ತು, ಆಸಿಫ್ ಅಲಿ, ಕುಂಚಕೋ ಬೊಬನ್ ಮುಂತಾದ ನಟರು ಈ ಚಿತ್ರದಲ್ಲಿ ನಟಿಸಿದ್ದಾರೆ.

ಮಹೇಶ್ ನಾರಾಯಣನ್ ನಿರ್ದೇಶನದ ಈ ಚಿತ್ರದಲ್ಲಿ ಶಾಹಿದ್‌ ಪಾತ್ರದಲ್ಲಿ ಕುಂಚಕೋ ಬೊಬನ್, ಸಮೀರಾ ಪಾತ್ರದಲ್ಲಿ ಪಾರ್ವತಿ ತಿರುವೋತು ನರ್ಸ್‌ಗಳಾಗಿ ನಟಿಸಿದ್ದಾರೆ. ಫಹಾದ್ ಫಾಜಿಲ್ ಇರಾಕ್‌ನ ಬಾಗ್ದಾದ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯ ಅಧಿಕಾರಿ ಮನೋಜ್ ಅಬ್ರಹಾಂ ಪಾತ್ರವನ್ನು ನಿರ್ವಹಿಸಿದ್ದಾರೆ.

2014ರಲ್ಲಿ 19 ಮಲಯಾಳಿ ನರ್ಸ್‌ಗಳು ಆರ್...