ಭಾರತ, ಮಾರ್ಚ್ 11 -- 2025ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯನ್ನು (ICC Champions Trophy 2025) ಭಾರತ ತಂಡ ಗೆದ್ದುಕೊಂಡಿದೆ. ದುಬೈನಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಸೋಲಿಸಿದ ಭಾರತ 3ನೇ ಬಾರಿಗೆ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿತು. ಇದು ಭಾರತದ ಪಾಲಿಗೆ ಸಿಕ್ಕ 7ನೇ ಐಸಿಸಿ ಪ್ರಶಸ್ತಿಯಾಗಿದೆ. ಆದರೆ, ಈ ಟೂರ್ನಿ ಗೆಲ್ಲಲು ಆಯ್ಕೆಯಾಗಿದ್ದ 15 ಆಟಗಾರರ ಪೈಕಿ ಆಡಿದ್ದು 12 ಆಟಗಾರರು ಮಾತ್ರ. ನಿಜ ಉಳಿದ ಮೂವರು ಒಂದೇ ಒಂದು ಪಂದ್ಯದಲ್ಲೂ ಕಣಕ್ಕಿಳಿಯಲೂ ಅವಕಾಶ ಪಡೆದಿಲ್ಲ. ಪಂದ್ಯಾವಳಿಯುದ್ದಕ್ಕೂ ಬೆಂಚ್​ ಕಾದರು. ಸಹ ಆಟಗಾರರಿಗೆ ವಾಟರ್​ ಬಾಯ್​ ಆಗಿ ಸೇವೆ ಸಲ್ಲಿಸಿದ ಇವರು ತಮ್ಮ ಸರದಿಗಾಗಿ ಕಾಯುತ್ತಲೇ ಟೂರ್ನಿ ಮುಗಿಸಿದರು.

ಟೂರ್ನಿಯಲ್ಲಿ ಭಾಗವಹಿಸಿದ್ದ 8 ತಂಡಗಳಲ್ಲಿ ಕೇವಲ 12 ಆಟಗಾರರ ಆಧಾರದ ಮೇಲೆ ಟ್ರೋಫಿಗೆ ಮುತ್ತಿಕ್ಕಿದ ಏಕೈಕ ದೇಶ ಭಾರತವಾಗಿದೆ. ಫೈನಲ್ ಸೇರಿದಂತೆ ಟೂರ್ನಿಯಲ್ಲಿ ರೋಹಿತ್ ಪಡೆ ಒಟ್ಟು ಐದು ಪಂದ್ಯಗಳಲ್ಲಿ ಕಣಕ್ಕಿಳಿದಿದೆ. ಆದರೆ ಒಂದು ಪಂದ್ಯದಲ್ಲಿ ಮಾತ್ರ ಒಂದು ಬದಲಾವಣೆಯೊ...